1. الرئيسية
  2. الكورس
  3. العملاء والحسابات والإدارة
  4. الموظفين والرواتب والتقارير
خلّصت الدرس — اللي بعده البرنامج على الكمبيوتر: التسطيب والطباعة والشغل من غير نت
السرعة
شارك الدرس

الموظفين والرواتب والتقارير

الدرس 8 من 9 العملاء والحسابات والإدارة 5:04 14 جزء

أجزاء الدرس

اضغط على أي جزء والفيديو يروح له على طول.

  1. 0:00مقدمة
  2. 0:15الموظفين وملف الموظف
  3. 0:50البدلات والخصومات الثابتة
  4. 1:07الحضور والتأخير
  5. 1:35الإجازات
  6. 2:04كشف الحضور الشهري
  7. 2:17السلف
  8. 2:33مسيّر الرواتب
  9. 3:15صرف الرواتب والقسيمة
  10. 3:39مركز التقارير
  11. 3:55تقارير المبيعات والأرباح
  12. 4:25تقارير الموظفين
  13. 4:37باني التقارير
  14. 4:56الخلاصة

عن الدرس

ملف الموظف والحضور والتأخير والإجازات والسلف، ومسيّر الرواتب بالتأمينات وصرفه، وتقارير المبيعات والأرباح والموظفين وباني التقارير.

في الدرس ده هتتعلم:

  • تشوف فريقك وملف كل موظف: الأساسي والبدلات والسلف ورصيد الإجازات.
  • تضيف بدل أو خصم ثابت بمبلغ أو بنسبة من الأساسي.
  • تسجّل الحضور والانصراف، والتأخير بيتحسب لوحده بعد فترة السماح.
  • تطلب الإجازات وتعتمدها، والإجازة بدون أجر بتتخصم من الراتب.
  • تصرف سلفة بقسط شهري بيتخصم من المسيّر.
  • تولّد مسيّر الشهر بالتأمينات والضريبة التقديرية، وتصرف الرواتب والقيد بيتعمل لوحده، وتطبع القسيمة.
  • تقرا مركز التقارير، وتقارير المبيعات والأرباح يوم بيوم.
  • تشوف تقارير الموظفين، وتبني تقرير على مقاسك وتجدوله على الإيميل أو تصدّره للإكسل.
نص الشرح كلام الفيديو مكتوب

أهلاً بيك في اي ار كاشير. في الفيديو ده هنمسك شؤون الموظفين: ملف الموظف، والحضور، والإجازات، والسلف، ومسيّر الرواتب. وبعدها نشوف التقارير اللي بتساعدك تاخد قرارك.

من شؤون الموظفين، صفحة الموظفين فيها فريق المطعم كله، بوظيفة كل واحد وقسمه وراتبه الأساسي. وفوق: عدد اللي على رأس العمل، وإجمالي الرواتب الأساسية في الشهر، وعدد المؤمَّن عليهم. وندوس على ملف الموظف، فيظهر كل حاجة عنه: الأساسي، والبدلات والخصومات الثابتة، والسلف المفتوحة، ورصيد إجازاته، ومدة خدمته. وتحت، حضوره شهر بشهر، وإجازاته، ومسيّرات رواتبه.

عشان نضيف بدل ثابت ندوس «بند»: نكتب اسمه، بدل انتقال، ونختار النوع بدل أو خصم، والقيمة تمنمية جنيه، أو نسبة من الأساسي. ونحفظ، فيتطبّق على المسيّر لما نولّده.

الحضور والانصراف بيتسجّل يوم بيوم: لكل موظف حاضر أو غايب أو إجازة. وزرار «تعبئة أوقات الوردية» بيكتب ميعاد الحضور والانصراف من وردية كل موظف. كريم ورديته الساعة حداشر، وجه حداشر وأربعين. وعنده ربع ساعة سماح، فالبرنامج بيحسب تأخير خمسة وعشرين دقيقة. وعمرو غايب اليوم ده. ونحفظ الحضور.

الإجازات: ندوس «طلب إجازة»، ونختار الموظف ونوع الإجازة: اعتيادية، أو عارضة، أو مرضية، أو بدون أجر. ومن يوم لحد يوم، والسبب. والطلب بيستنى الاعتماد. ولما نعتمدها، أيامها بتتكتب في الحضور لوحدها، فمتتحسبش غياب. أما الإجازة بدون أجر، زي إجازة كريم، فبتتخصم من راتبه زي الغياب.

وكشف الشهر بيوريك الشهر كله في جدول واحد: حاضر، وغايب، وإجازة، وراحة أسبوعية. وفي الآخر مجموع كل موظف، ودقايق تأخيره وإضافيه.

السلفة: من صفحة الرواتب ندوس «صرف سلفة»، ونختار الموظف والمبلغ، والقسط اللي يتخصم كل شهر، وبتتصرف منين. والسلفة بتتسجّل عهدة على الموظف، وبتتخصم من راتبه في المسيّر.

وآخر الشهر ندوس «توليد المسيّر»، فالبرنامج بيحسب راتب كل موظف من حضوره وإجازاته وسلفه وبنوده. ولو عدّلت حاجة، تولّده تاني، طول ما لسه ماتصرفش. وكل صف فيه حساب الموظف كامل: الإجمالي هو الأساسي والبدلات والإضافي، ويتخصم منه الغياب والتأخير، والتأمينات، والضريبة، وقسط السلفة، فيطلع الصافي. التأمينات بتتحسب على المؤمَّن عليهم: أحد عشر في المية على الموظف، وتمنتاشر وتلاتة أرباع في المية على الشركة. والضريبة اللي البرنامج بيحسبها تقديرية، راجعها مع محاسبك.

وعشان نصرف، ندوس «صرف» قدام الموظف، ونختار هنصرف منين. البرنامج بيعمل القيد كامل لوحده، والمسيّر المصروف مبيتعدّلش. ولو عايز تصرف للكل مرة واحدة، فيه «صرف الكل». وقسيمة الراتب بتطلع جاهزة للطباعة: المستحقات، والاستقطاعات، والصافي بالأرقام وبالحروف.

ننتقل للتقارير. مركز التقارير بيجمعلك الفترة كلها في صفحة واحدة: إجمالي الإيراد والمصروف وصافي النتيجة، ومصادر الإيراد، وبنود المصروف، وأفضل الأصناف مبيعاً.

وتقرير المبيعات بنختار فيه الفترة، فيوريك عدد الفواتير والطلبات، وإجمالي المبيعات، والخصومات والمرتجعات والضريبة. وتحت، المبيعات يوم بيوم، وحسب طريقة الدفع: كاش وفيزا ومحفظة، وحسب الموظف. وتقرير الأرباح بيطرح من الإيراد تكلفة البضاعة المباعة، فيطلعلك مجمل الربح وهامشه، ومقسّم يوم بيوم، فتعرف أنهي يوم كسبت فيه أكتر.

وتقارير الموظفين بتوريك تكلفة الأجور بالقسم، وأيام الحضور والغياب والتأخير، والأكتر غياباً وتأخيراً، وتكلفة الأجور شهر بشهر.

ولو عايز تقرير على مزاجك، فيه باني التقارير: تختار مصدر البيانات، زي مسيّرات الرواتب، والأعمدة اللي عايزها، وتشغّل التقرير. وتقدر تحفظه باسم، أو تجدوله يوصلك على الإيميل، أو تصدّره ملف يتفتح على الإكسل.

ده كان الموظفين والرواتب والتقارير في اي ار كاشير. ولو محتاج أي مساعدة، كلّمنا على واتساب.

اتسجّل إنك اتفرجت على الدرس